Ad Banner
Ad Banner
Ad Banner
Ad Banner

Gjobë mijëra euroshe dhe dy ndeshje moslojë për Moise Kean

17:46 | 7 Mars 2023
E.H

Federata Italiane e Futbollit e ka gjobitur me 10.000 euro dhe e ka suspenduar për dy ndeshje sulmuesin Moise Kean, për kartonin e kuq në ndeshjen ndërmjet Romës dhe Juventusit.

Futbollistit të Zonjës së Vjetër iu tregua kartoni i kuq në fund të takimit për shkak të goditjes që i bëri Gianluca Mancinit, pas një tërheqjeje për fanelle.

Në fakt, Massimiliano Allegri sapo e kishte inkuadruar në lojë Keanin, i cili u përjashtua vetëm pas 40 sekondash në Stadio Olimpico, shkruan telegrafi.

Trajneri i Juves ka konfirmuar se 23-vjeçari u ka kërkuar falje stafit dhe bashkëlojtarëve për veprimin e tij, ndërsa pritet që ta dënojë edhe klubi.

Pezullimi i tij nënkupton se do të mungojë në ndeshjen e Serie A kundër Sampdorias dhe Interit.

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm